秋冬行山推介 - 大東山

踏入秋冬，又係行山嘅好季節! 今次先介紹一個好地方“大東山”俾大家，唔知大家行過未? 之後陸續有來。

大東山位於大嶼山，又叫做日落山。聽個名就知佢出名係因為可以睇到好靚嘅日落。

要去呢個地方，你可以跟從以下路線:

1. 係MTR東涌站搭巴士11 號、23號或3M係伯公坳下車

2. 下車後路線: 伯公坳 > 鳳鳯徑 >大東山頂 > 爛頭營 > 伯公坳

當你係伯公坳下車後，向左行上一個涼亭。係涼亭嘅左邊係鳳凰徑，沿住這條路就可以直登大東山山頂。沿途這條路對於初級行者來說有D難度，因為山上石級高而斜，而且有D路係係懸崖峭壁上，最多只可以容納兩人同時行走，所以當你遇到迎面而來嘅行山友時，就要小心。

但係好在而家嘅天氣算涼，唔算太辛苦。而且路雖然難行，但大東山有兩個好靚嘅賣點，所以點辛苦都值得。

1) 芒草

11月至12月中係芒草盛開嘅季節，大東山都係因為芒草而出名，當然另一個原因係因為陳奕迅啦。當年陳奕迅嘅其中一隻CD封面就係以大東山嘅芒草做背景，當時令大東山成為一時之熱。

好多龍係呢個月份都會黎到大東山影日落，因為當芒草配合埋日落，就會一片金光閃閃，而芒草又隨風搖擺，呢個絕對係一個靚絕嘅景色。其次，係眾多賞芒地方中，以大東山芒草嘅數量最多，所以先容易影到金黃色嘅芒海。

2) 爛頭營

爛頭營係另一個大東山嘅獨有特色，係其他山係見唔到。其實爛頭營有另一個名叫 “香港浸信會聯會營地”，係教會二十年代興建，由東涌原居民，用咗6個月，慢慢搬運建材上山興建，專俾外國人避開海邊濕熱天氣，作避暑之用。

爛頭營都係影相嘅好地方，因為影出來個感覺好經典。但想提提大家唔好爬上屋頂影相，因為咁樣好易破壞到間屋，如果人多，仲有倒塌可能。如果大家唔想無左一個咁靚嘅景就要珍惜一下了。

其實要去大自然吸收下新鮮空氣，唔一定要去外國，係香港都有好多好地方，例如今次介紹嘅大東山就係其一個例子。下星期再介紹另一個地俾大家啦!

---------------------------------------------------------------------------------------------------

溫馨提示:

要成日行山，又要保持狀態，關節保健非常重要。如果關節保健得唔好，你應該無可能上到大東山啦，咁你又無左D樂趣了! 除左食多D增加鈣質嘅食物外，仲可以用我地嘅普力通關節凝膠。佢成份天然，含天然高質翡翠綠唇青口精華素及天然糖胺聚糖，容易俾皮膚吸收，有效潤滑關節。

產品詳細介可看: http://www.pernaton.com.hk/pernatongel 或按下圖: