秋冬行山推介-塔門

今次介紹嘅地方係行山熱點，小編自己亦行過，難度唔算高，而且仲適合一家大細。呢個地方就係塔門。搭門最吸引嘅地方就係有一個大草原，仲要面對無敵海景。剩係望住個景，我諗你都可以望一日，絕對係心曠神怡，適合晒星期一至五忙到七彩嘅打工仔鬆鬆。

搭門呢個地方雖然係遠D，唔算難去。去塔門，首先要搭船到塔門，有兩條路線大家選擇:

1. 係港鐵大學站B出口搭的士到馬料水碼頭，再轉搭街渡，船程約1.5小時。

2. 係西貢市中心搭94號巴士到黃石碼頭，再轉搭街渡，船程約35分鐘。

船嘅航班及價錢大家可以留意以下網址:

http://www.tapmun.hk/tb.htm

星期六、日佢地D船好易爆滿，所以大家最好預早出發，個人建議到黃石碼頭好D，因為早上航班比馬料水碼頭多一班。另外，係嗰兩個碼頭有好多快艇可以坐，係會快左好多，但留意佢地係屬於無牌經營。

小編我每次去都選擇由黃石碼頭出發。由黃石碼頭出發，一下船你首先會到達塔門海傍街，呢度有D街檔賣風味小食如蝦乾、魷魚絲等等，另外亦有風箏賣。

你亦會見到有幾間舖頭賣緊塔門3寶: 椒鹽魷魚、海膽炒飯、炸墨魚丸。佢地係塔門超出名，係行山前可以先係呢到醫醫肚。佢D炒飯幾有火喉，海膽幾香，一定要試試。

醫完肚，就開始我地嘅行程，行程路線如下:

塔門海傍街 > 天后古廟 > 山頂觀海亭及大草坪 > 呂字疊石 > 漁民新村 > 塔門碼頭

由塔門海傍街出發，你會先經過一D村屋，然後到達天后古廟，過埋天后古廟，就會行到大草坪，太約要30分鐘。

係大草坪，你可以稍作休息，呢個草原好適合放風箏同埋紮營。係呢到，你仲可以見到好多牛牛。我同朋友每次係度都最少留2個小時，黎個親親大自然。

當係大草原休息夠後，就繼續埋我地餘下嘅行程: 山頂觀海亭及大草坪 > 呂字疊石 > 漁民新村 > 塔門碼頭，行程太約1小時。

全段路程絕對唔辛苦，好輕鬆，你絕對可以克服到!

---------------------------------------------------------------------------------------------

溫馨提示:

要成日行山，又要保持狀態，關節保健非常重要。如果關節保健得唔好，郊遊行山就與你無緣，咁你又無左D樂趣了! 除左食多D增加鈣質嘅食物外，仲可以用我地嘅普力通關節凝膠。佢成份天然，含天然高質翡翠綠唇青口精華素及天然糖胺聚糖，容易俾皮膚吸收，有效潤滑關節。

產品詳細介可看: http://www.pernaton.com.hk/pernatongel 或按下圖: