秋冬行山推介-大帽山

唔知大家有冇留意今期有人講係大帽山遇到發哥,所以今期一於講下大帽山。

大帽山係香港最高嘅山峰,山高霧多,冬天嘅時候仲會結霜,所以成日都有大批市民冒寒登峰。

要去大帽山,可以係荃灣兆和街搭 80 號專綫小巴至川龍村總站。係呢個總站,不得不提下端記茶樓。呢間茶樓都幾出名,好多行山友係行山之都會係呢到醫下肚。呢到最特別嘅地方就係無大量侍應招呼你,由開位、沖茶到攞點心都要自己攪掂,完全自助。如果你要服務嘅,就唔好係到食野lu。另外,好多時你會見到D茶友帶埋雀籠黎放雀,幾有特色。至於食物,就普普通通啦。

當你醫完肚後,就可以由川龍開始行,留意前半段路通常都係石屎路,亦有山路,但斜度唔算太斜,所以唔太辛苦,太約行兩個半鐘就到山頂。係行上山頂途中,會有唔少岔路,但都有明顯路路牌指示,只要沿大帽山道上山,就可以到達目的地。

另外一個係途中大家可以休息嘅地方就係大帽山郊野公園,佢有一大片草地,唔少人都係會到休息睇下風景。

係成個行山嘅路程,山頂嘅軍營就係我地嘅目的地。

大家要留意下山嘅過程會比較辛苦,因為要穿梭大小山脊,要萬分小心。經過大小山脊後,就會行到麥理浩徑,之後就沿鉛鑛坳下山。

從鉛鑛坳到城門水塘下山期間,會有一個露營營地,如果你又係露營發燒友,可以諗下呢個地方。

由上山到下山,留意係需要差唔多6個鐘架,而難度算係中度啦,最重要係考驗大家嘅耐力了。

------------------------------------------------------------------------------------------------------

溫馨提示:

要成日行山,又要保持狀態,關節保健非常重要。如果關節保健得唔好,郊遊行山就與你無緣,咁你又無左D樂趣了! 除左食多D增加鈣質嘅食物外,仲可以用我地嘅普力通關節凝膠。佢成份天然,含天然高質翡翠綠唇青口精華素及天然糖胺聚糖,容易俾皮膚吸收,有效潤滑關節。

產品詳細介可看: http://www.pernaton.com.hk/pernatongel 或按下圖:

Featured Posts
Recent Posts
Archive
Search By Tags
Follow Us
  • Facebook Basic Square
  • YouTube Social  Icon

© 2014-2019 by Pernaton Hong Kong.

Proudly created by Wealthy Yield Ltd.

所有用家分享只供參考,產品效果因人而異。